« మునుపటి

Bhagavad Gita: అధ్యాయం 18, శ్లోకం 3

తదుపరి »

த்¹யாஜ்யம் தோ³ஷவதி³த்¹யேகே¹ க¹ர்ம ப்¹ராஹுர்மனீஷிண:|

யஞ்ஞதா³னத¹ப¹:க¹ர்ம ந த்¹யாஜ்யமிதி¹ சா¹ப¹ரே ||
3 ||

த்யாஜ்யம்--—விட்டுவிட வேண்டும்; தோஷ-வத்—--தீமையாக; இதி--—இவ்வாறு; ஏகே—--சிலர்; கர்ம--—செயல்கள்; ப்ராஹுஹு——கூறுகிறார்கள்; மனிஷிணஹ-----கற்றறிந்தவர்கள்; யஞ்ஞம்---தியாகம்; தான—---அறம்; தபஹ---:தவம்; கர்மா--—செயல்கள்;;ந--—ஒருபோதும் இல்லை; த்யாஜ்யம்—--கைவிடப்பட வேண்டும்; இதி--—இவ்வாறு; ச--—மற்றும்;அபரே—--மற்றவர்கள்.

అనువాదం

BG 18.3: சில கற்றறிந்தவர்கள் எல்லா வகையான செயல்களையும் தீமை எனக் கருதி கைவிட வேண்டும் என்று அறிவிக்கிறார்கள், மற்றவர்கள் தியாகம், அறம் மற்றும் தவம் போன்ற செயல்களை ஒருபோதும் கைவிடக்கூடாது என்று கூறுகிறார்கள்.

వ్యాఖ్యానం

ஸாங்க்¹ய சிந்தனைப் பள்ளி போன்ற சில தத்துவவாதிகள், இயன்றவரை விரைவாக இவ்வுலக வாழ்க்கையைக் கைவிடுவதற்கு ஆதரவாக உள்ளனர். அனைத்து செயல்களும் கைவிடப்பட வேண்டும் என்று அவர்கள் கருதுகின்றனர். ஏனெனில், அவை ஆசையால் தூண்டப்படுகின்றன. இது வாழ்க்கை மற்றும் இறப்பு சுழற்சியில் மறுபிறப்பை மேலும் ஊக்குவிக்கிறது. அனைத்து வேலைகளும் மறைமுக வன்முறை போன்ற உள்ளார்ந்த குறைபாடுகளுக்கு உட்பட்டவை என்று அவர்கள் வாதிடுகின்றனர். உதாரணமாக, ஒருவர் தீ மூட்டினால், அதில் பூச்சிகள் தன்னிச்சையாக விழுந்து எரியும் வாய்ப்பு எப்போதும் உள்ளது. எனவே, உடலின் வாழ்வாதாரத்தைத் தவிர அனைத்து செயல்களையும் நிறுத்துவதற்கான பாதையை அவர்கள் பரிந்துரைக்கின்றனர்.

மீமான்ஸ சிந்தனைப் பள்ளி போன்ற மற்ற கற்றறிந்த தத்துவவாதிகள், பரிந்துரைக்கப்பட்ட வேத செயல்பாடுகளை ஒருபோதும் கைவிடக்கூடாது என்று அறிவிக்கின்றனர். வேதங்களின் இரண்டு முரண்பாடான கட்டளைகள் இருக்கும் இடங்களிலெல்லாம், குறிப்பிட்ட ஒன்று அதிக முக்கியத்துவம் வாய்ந்ததாக இருந்தால், அது பொதுவானதை ரத்து செய்கிறது என்று அவர்கள் வாதிடுகின்றனர். உதாரணமாக, வேதங்கள் நமக்கு அறிவுறுத்துகின்றன: மா ஹின்ஸ்யாத்¹ ஸர்வ பூ⁴தா¹னி 'எந்த உயிரினத்திற்கும் வன்முறை செய்யாதீர்கள்.' இது பொதுவான அறிவுறுத்தல். அதே வேதங்கள் நெருப்பு யாகம் செய்ய அறிவுறுத்துகின்றன. இது ஒரு குறிப்பிட்ட அறிவுறுத்தலாகும். தீ யாகம் செய்வதால், சில உயிரினங்கள் தற்செயலாக தீயில் இறக்கக்கூடும். ஆனால் மீமான்ஸகர்கள் (மீமான்ஸ தத்துவத்தைப் பின்பற்றுபவர்கள்) யாகம் செய்வதற்கான குறிப்பிட்ட அறிவுறுத்தல் மேலோங்கி இருப்பதாக வாதிடுகின்றனர், மேலும், வன்முறையைச் செய்யக்கூடாது என்பதற்கான பொதுவான அறிவுறுத்தலுடன் முரண்பட்டாலும் அது பின்பற்றப்பட வேண்டும் என்று வாதிடுகின்றனர். இதை மனதில் வைத்துக்கொண்டு, தியாகம், தானம், தவம் போன்ற நன்மை தரும் செயல்களை ஒருபோதும் கைவிடக்கூடாது என்று மீமான்ஸகர்கள் கூறுகிறார்கள்.

« Prev verse

Next verse »

18. மோக்ஷ ஸன்யாஸ யோகம்

‹ అధ్యాయం 18

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78